This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NAWALAN ng tirahan ang 160 pamilya makaraan lamunin ng apoy ang 75 bahay nang tamaan ng kidlat ang antenna ng isang telebisyon na dahilan ng sunog sa isang compound sa Las Piñas City kamakalawa ng hapon.
Base sa inisyal na ulat ng Las Piñas Fire Department, pasado 3 p.m. nagsimula ang sunog sa isang bahay sa Saint Louie Compound, Phase 2, Admiral Talon 3 ng nasabing lungsod .
Mabilis na kumalat ang apoy sa katabing mga bahay na pawang gawa sa light materials.
Mahigit tatlong oras tumagal ang sunog sa lugar bago tuluyang naapula ng mga bombero.
Walang naiulat na nasaktan o namatay sa insidente habang inaalam pa ang kabuuang halaga ng pinsala sa mga ari-arian.
Pansamantalang nanunuluyan ang mga nasunugan sa Rizal Experimental Station at inaayudahan ng Las Piñas Social Welfare Department.
