HATAW! D'yaryo ng Bayan hatawtabloid.com
SUCCESS ang tambalang JC de Vera at Jessy Mendiola dahil ang pinagsasamahan nilang Wansapanataym Presents: Just Got Laki noong Linggo (May 15) ay nakakuha ng 28.5% sa ratings game kompara sa katapat nitong palabas na Ismol Family na nakakuha lamang ng 17.6%, base sa datos ng Kantar Media.
Sabagay, maski naman sa You’re My Home serye ay marami na ang nakapansing bagay na loveteam sina JC at Jessy at bagay din daw silang maging magdyowa.
Anyway, sa pagpapatuloy ng kuwento, matapos maging viral ang ginawang video nina Maki (JC), Jimboy (Nico Manalo), at Paw-paw (Nicco Antonio) ay hahanapin sila ni Ysabel (Jessy) upang maging endorser ng kanilang candy shop.
Ngunit isang malaking problema ang haharapin nina Maki dahil ubos na ang magic candy na nagpapatanda sa kanila.
Ano kaya ang gagawin ng magbabarkada upang tumanda at maipagpatuloy ang kanilang pagsikat? Mahanap kaya sila ni Ysabel?
Mabunyag na kaya ang kanilang sikreto? Huwag palampasin ang mga eksenang kapupulutan ng aral sa Wansapanataym Presents: Just Got Laki ngayong Linggo sa ABS-CBN.
FACT SHEET – Reggee Bonoan
