Paalala kay Mayor Digong: Mag-ingat sa mga bangaw
KAHAPON, pumutok sa iba’t ibang sektor ang pangalan ng kung sino-sinong tao na ang sabi ay itatalaga raw ni President-elect, Mayor Rodrigo Duterte sa mga vital agencies at iba pang ahensiya ng pamahalaan.
Kaya nga ang daming lumipad patungong Davao mula pa nitong Biyernes hanggang kahapon ng umaga.
Simpleng-simpleng lang ang rason, ‘yun bang parang bangaw na makadapo sa ulo o sa ilong at makabulong sa tenga ni Digong…
Para makasungkit ng puwesto.
Para nga raw, inauguration na kung makaporma ang sandamakmak na gustong umepal.
Bigla nga tayong napausal ng dasal…iadya po ninyo si Mayor Digong laban sa mga taong mahilig lang sa poder pero puro sulsol at sariling bulsa lang ang kayang asikasuhin.
Bukod pa ‘yan na kung hindi man galing sa Recto ‘e fly-by-night ang credentials.
Simpleng paalala lang po ‘yan Mayor Digong.
Kunsabagay, mukhang alam naman ninyo ang kasabihan — ang ilog na maingay, masyadong mababaw.
‘Yun lang po.
[divider]
