MARAMI ang nanghihinayang sa magandang aura ni Marian Rivera dahil nasasayang lang daw ito sa kanyang bagong show sa umaga.
Ayon sa aming nakausap, walang sustansya ang show ng misis ni Dingdong Dantes dahil pagkatapos ng kanyang first telecast na guest si Ai-Ai delas Alas ay biglang naging kiddie show ang peg nang sumunod na araw. Puro mga bata kasi ang kanyang guests with different parlor games.
Ang inaasahang mapapanood sa morning show ay mga sikat na artista pero sa puntong ito, parang daig pa siya ni Ryzza Mae Dizon dahil mga bigating artista ang mga guest nito noon.
Ayaw naming maniwala pero anong katotohanan sa balitang hirap daw mangumbida ang taga-production ng mga kilalang artista lalo’t nakaalitan nito noon?
STARNEWS UPLOAD – Alex Datu
