This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
KRITIKAL ang dalawang pulis makaraan pagbabarilin ng riding in-tandem habang nagkukuwentohan sa Tondo, Maynila kamakalawa.
Nilalapatan ng lunas sa Metropolitan Hospital ang mga biktimang sina SPO3 Rommel Fermin Rey, nakatalaga sa Manila Police District – Police Station 4; at PO3 Joel Rosales, nakatalaga sa Northern Police District, dahil sa tama ng bala sa iba’t ibang bahagi ng katawan.
Mabilis na tumakas ang riding in-tandem makaraan ang insidente
Sa imbestigasyon ni SPO1 Ronald De Los Arcos, nakasakay sa motorsiklo ang mga suspek at nakasuot ng itim na jacket nang pagbabarilin ang dalawang biktima dakong 11:20 p.m. sa Velasques St., kanto ng Cabangis St., Tondo, Maynila.
Nabatid, ito ang pangalawang pagkakataon na si Rosales ay binaril nang hindi nakilalang suspek.
Inaalam ng pulisya kung may kinalaman sa kanilang mga operasyon laban sa droga ang motibo sa insidente.
