Palpak na naman ang Comelec! (May bago ba?)

DESMAYADO pa rin ang marami nating kababayan, kabilang na po ang inyong lingkod sa serbisyo at sistema ng Commission on Elections (Comelec).

Paulit-ulit at laging sinasabi ng Comelec bago mag-eleksiyon, magkakaroon daw ng accessible voting precinct para sa senior citizens at people with disability (PWD) sa lahat ng voting centers.

Marami ang natuwa sa sinabing ito ng Comelec. Marami rin ang umasa — na sana’y magkatotoo dahil bago na ang namumuno rito.

Pero sonabagan, hindi nagkatotoo! Waley!!!

Walang special polling precinct para sa senior citizens at PWDs!

Maraming PWDs at senior citizen ang pinaakyat sa matataas na polling precinct.

Kaya marami tuloy na gustong makaboto sana ang hindi na umakyat at umuwi na lamang.

Kaysa nga naman kung ano pa ang mangyari sa kanila, kaya umuwi na lang sila.

Pero ‘yung mga nagpumilit na gampanan ang tungkulin nila bilang mga mamamayan na nagmamahal sa bayan, kahit hirap na hirap umakyat sa hagdan ay pinilit nilang makaboto.

‘Yung iba naman, nagpabuhat na lang para makaboto.

Matindi rin kasi talaga si Chairman Andres Bautista, mula sa umpisa ay walang inasikaso kundi ang pitsa ‘este’ palpak na SMARTMATIC.

Kaya pagdating ng araw ng halalan, palpak pa rin.

Late rin dumating ang mga vote counting machines (VCM) sa ilang presinto.

‘Yung mga maaga namang dumating, nang isaksak ang balota, hindi ma-scan. Kaya paulit-ulit na sinubukan at nang hindi umubra, pinalitan ang VCM kaya naantala rin ang botohan.

Nagkaroon ng kaguluhan sa ilang voting precincts dahil as usual, maraming pangalan ang nawawala.

‘Yun naman ibang VCM ay hindi makapaglabas ng resibo!

Wattafak!

Hanggang ngayon ba, existing pa rin ang problema na ‘yan?!

Remote na remote!

Anyway, hindi lang naman po mga ordinary citizen ang nakaranas ng kapalpakan ng Comelec.

Kami man pong mga taga-media ay biktima rin ng palpak na serbisyo. Mantakin ninyong ma-tagal na kaming nag-apply para sa election media pass ‘e hanggang kahapon, wala pa rin kaming ID from Comelec?!

Ibang klase rin kasi si Direcotr James Jiminez, masyadong puro daldal ‘este’ busy.

Abalang-abala sa maraming gawain at kasasagot at kadedepensa sa isyu ng palpak na serbisyo ng SMARTMATIC.

Hindi tuloy natin alam kung spokesperson ba siya ng Comelec o spokesperson ng SMARTMA-TIC?!

Tsk tsk tsk…

‘Yung isang head staff naman diyan na tumanda na sa trabaho niya, puro alibi lang ang sagot sa mga taga-media na hindi nila naisyuhan ng ID.

Mantakin ninyo a-nueve de Mayo na, nag-iisyu pa raw ng ID?!

Sino pa ang gagamit ng ID na ‘yan?!

As usual, sa kabuuan, palpak pa rin talaga ang Comelec.

Good luck na good luck talaga Philippine election 2016!

[divider]

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com