Thursday , March 28 2024

Mayor Lim dinumog ng botante

ANG nagbabalik na alkalde ng Maynila na si Alfredo S. Lim ang kauna-unahang mayoral candidate na bumoto kahapon, nagtungo siya sa Rosauro Almario Elementary School sa Tondo, Maynila dakong 8 a.m.

Dinumog si Lim ng mga botante na nagsipagkamay, yumakap, nagsisigaw ng kanyang pangalan at kumuha ng retrato na kasama siya, gamit ang kanilang mga cellphone, bago at matapos niyang bumoto.

Ilang sandali lang makaraan umalis sa nasabing paaralan, nakarating kay Lim na nahinto ang botohan sa nasabing paaralan dahil nagka-diperensiya ang ilang voting counting machines, dahilan upang kuwestiyonin niya kung ano ang nangyari kasabay nang mahigpit na panawagan  sa Commmision on Election na agad itong aksiyonan upang malayang magawa ng mga residente ang kanilang karapatang bumoto.

Ang nasabing apektadong presinto ay kilalang balwarte ni Lim.

Matatandaan, noong 2013 elections, pinahinto rin ang botohan sa nasabing paaralan ng 14 armadong kalalakihan. Sinasabing mga miyembro ng Moro National Liberation Front ang dumating at ginulo ang mga botante na sa takot ay umuwi na lamang at ‘di na bumoto pa.

Ang iba pang natanggap na ulat ng kampo ni Lim ukol sa ilang anomalyang naganap kahapon ay ang sumusunod: bilihan ng boto sa Manila North Cemetery na ang mga botante ay binibigyan ng pera kapalit ng paglalagay ng indelible ink sa kanilang kamay para ‘di na makaboto; at problema sa voting counting machines sa Baseco kaya’t nahinto rin ang botohan doon.

Sa Albert Elementary School sa  Dapitan, partikular sa Brgy. 491, ilang botante ang nagreklamo nang makitang blanko ang kanilang voting receipts gayong si Lim ang ibinoto nila.

Sa kaso ng mga botante sa precincts 267c at 267b sa Tondo High School, marami ang nagreklamo nang ipinaiiwan na lang sa kanila ang kanilang voting forms dahil sa problema ng pag-isyu ng voting receipts.

Nagreklamo ang mga botante sa MLQ Elementary School sa Tondo, sa ilalim ng Brgy. 70 dahil sa kawalan ng voting receipts na bunga ng pagkasira ng ilang PCOS  machines doon.

Sa Doña Aurora Quezon Elementary School sa Malate, nahinto ang botohan at sinabihan ang mga botante na bumalik na lang ng 4 p.m.

About Leonard Basilio

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *