Tuesday , February 7 2023

Tolentino inendoso ni Duterte, INC

NAKAKUHA ng malaking bentaha ang kandidatura ni independent senatorial candidate Francis Tolentino nang iendoso ng nangungunang presidential bet na si Rodrigo Duterte at ng Iglesia Ni Cristo (INC).

Nagpahayag ng suporta si Duterte, sa pagsasabing hanga siya sa malawak na kakayahan ni Tolentino na akma sa Senado.

Kabilang si Tolentino sa 12 senador na nakalagay sa sample ballot na ipinamahagi ng INC sa kanilang mga miyembro.

Nagpasalamat si Tolentino sa pamunuan ng INC sa tiwala sa kanyang kakayahan na maging senador ng bansa.

Sumuporta rin kay Tolentino sina Pastor Apollo Quiboloy at ang grupong Trade Union Congress of the Philippines (TUCP).

Kamakailan, nakuha ni Tolentino ang suporta ng mga mayor ng lalawigan ng Cavite, Albay Gov. Joey Salceda,  at iba’t ibang lokal na opisyal ng Metro Manila.

Kabilang dito sina Manila Mayor Joseph Estrada, Quezon City Mayor Herbert Bautista, Mayor Edwin Olivarez ng Parañaque, Mayor Oca Malapitan ng Caloocan at Mayor Bobby at Maribel Eusebio ng Pasig.

Sa lalawigan, sumuporta rin sina Gov. Vic Yap ng Tarlac, Gov. Jonvic Remulla at Vice Gov. Jolo Revilla ng Cavite,  Lipa Mayor Meynardo Sabili, Mayor Norman Go ng Gerona, Tarlac, Mayor Krisel Lagman-Luistro ng Tabaco City sa Albay at Antipolo Mayor Casimiro Ynares Jr.

Sa Bicol Region, suportado si Tolentino nina Legazpi City Mayor Noel Rosal, Cong. Vic Ortega, Mayor Pablo Ortega, dating mayor Mary Jane Ortega at Malilipot, Albay Mayor Roli Volante.

“Nagpapasalamat po tayo sa kanilang suporta. Ito’y patunay lang na marami ang nagtitiwala sa ating kakayahan na makapagsilbi sa bayan bilang senador,” wika ni Tolentino.

Samantala, sa Abril 23-29 survey ng Pulso ng Pilipino, nasa 9-10 puwesto si Tolentino na may 32.1 percent.

Ang nasabing survey, na isinagawa ng Issues and Advocacy Center, ay may 1,800 respondents sa buong bansa.

About Niño Aclan

Check Also

Arrest Posas Handcuff

Rank 8 most wanted person ng Nueva Ecija, huli sa Vale

NAGWAKAS ang pagtatago sa batas ng isang lalakingnakalistang rank no. 8 most wanted person (MWP) …

shabu drug arrest

Parokyano huli rin
2 BEBOT NA TULAK TIMBOG SA PARAK

SWAK sa kulungan ang dalawang babaeng tulak ng ilegal na droga, kasama ang kanilang parokyano …

Sim Cards

28-M SIM cards rehistrado na — DICT

KINOMPIRMA ni Department of Information and Communications Technology (DICT) Secretary Ivan John Uy na hanggang …

Mental Health

Mental health offices sa SUCs mungkahi ng mambabatas

BUNSOD ng pagtaas ng kaso ng mental health issues sa mga mag-aaral na Filipino, itinutulak …

Money Bagman

Kapalaran ng MIC-MIF nasa ng economic managers ni Marcos

IGINIIT ni Senador Francis “Chiz” Escudero, nasa kamay ng economic managers ni Pangulong Ferdinand Marcos, …

Leave a Reply