HATAW! D'yaryo ng Bayan hatawtabloid.com
SUMAMPA sa second round playoff ang Portland Trail Blazers matapos nilang patalsikin ang Los Angeles Clippers sa 2015-16 National Basketball Association,(NBA) playoffs.
Umarangkada si Damian Lillard ng 28 points para tulungan sa panalo ang Portland, pero makikilatis ang tikas nila dahil sunod nilang makakalaban ang defending champion Golden State Warriors na pinagbakasyon ang Houston Rockets.
Nag-ambag si CJ McCollum ng 20 points para tumulong din sa Blazers na lumuhod sa Games 1 at 2 bago kumadena ng panalo.
Humarabas sa opensa ng Clippers sina Jamal Crawford at Austin Rivers na may 32 at 21 points ayon sa pagkakasunod pero kinapos pa rin para isalba ang koponan.
Hindi nakalaro sina LA stars Blake Griffin at Chris Paul dahil sa kanilang injuries.
Ngayong umaga (Linggo ng gabi sa Amerika) ang Game 1 ng Golden State at Portland duel. ( ARABELA PRINCESS DAWA )
