Monday , June 24 2024

Filipino mas ginagamit ang puso kaysa utak

ANG mga taga-silangan na tulad nating mga Filipino kadalasan ay kumikilos gamit ang damdamin o puso bilang batayan at hindi ang isip o utak.

Ito ang dahilan kung bakit tayo ay likas na sensitibo o ma-drama kompara sa mga taga-kanluran. Ang pagiging maramdamin din ang dahilan kung bakit tayo may ugaling paligoy-ligoy at hindi sukat ang mga salita.

Halimbawa: kapag tayo ay inimbitahan sa isang salo-salo at hindi tayo makararating, ang mas madalas nating isasagot sa nag-iimbita ay titingnan o susubukan natin. Dahil ayaw natin na mapahiya o masaktan ang damdamin ng nag-iimbita kaya hindi natin tahasang sasabihin na tayo ay hindi makararating.

Ang resulta ay nagiging magaling tayong bumasa sa gitna ng mga salita…’ika nga “we are good in reading between the lines.”

Kabaliktaran ang ugali natin sa mga taga-kanluran na tahasang sasabihin sa atin kung ano ang nararamdaman nila kesehodang masaktan tayo.

Ngayon, dahil din sa damdamin ang umiiral na batayan sa ating mga pagdedesisyon ay may palagay ako na mas tapat tayo sa ating nararamdamang sinasabi kaysa mga kanluranin na pinipili ang mga bagay na sasabihin bago lumabas sa kanilang mga bibig.

Ang isang bruskong Filipino ay ‘di hamak na mas matapat sa mga sinasabi kompara sa isang “western educated person” na sine-censor muna ang sasabihin bago sabihin.

Ang ganitong batayan, sa palagay ko, ang dapat gamitin ng mga botante sa pagpili ng mga kandidatong iboboto. Mas delikado ‘yung mga repinado’t aral na aral sa mga kanluraning asal dahil mas may katiyakan na hindi maglilingkod para sa interes ng bayan.

Ang mga ganitong kandidato ay mga banyaga na nagkukunwang Filipino lamang.

Ano ang palagay ninyo?

* * *

Nawawala raw ‘yung sinasabing nanghingi ng pera sa mga matandang nabiktima ng laglag bala sa airport.

 Para sa karagdagang detalye ay pasyalan ninyo ang aking bagong website, www.beyonddeadlines.com

Ang website na ito ay maglalaman ng mga malalalim na talakayan kaugnay sa mga pangyayari sa ating bayan at iba pa na mahalagang impormasyon para sa pang-araw-araw nating buhay. Sana ay makaugalian din ninyo na bisitahin ang website na ito. Pakikalat ang balita tungkol sa www.beyonddeadlines.com Salamat po.

* * *

Kung ibig ninyo na maligo sa hot spring pumunta kayo sa Infinity Resort sa Indigo Bay Subd. Brgy. Bagong Kalsada, Calamba City, Laguna. Malapit lamang sa Kalakhang Maynila at mula sa resort na ito ay tanaw ninyo ang banal na bundok Makiling.

Magpadala ng mensahe sahttps://www.facebook.com/privatehotspringresort? fref=ts para sa karagdagan na impormasyon o reserbasyon.

About Rev. Fr. Nelson Flores, MSCK, JD.

Check Also

Sipat Mat Vicencio

Dapat bang suportahan ni Digong si Imee sa halalan 2025?

SIPATni Mat Vicencio SILIP NA SILIP ang diskarte ni Senator Imee Marcos at halatang ginagamit …

FIRING LINE ni Robert B. Roque, Jr.

Ang ‘mischievous’ na misis ng Pangulo

FIRING LINEni Robert B. Roque, Jr. BAGO mag-weekend, isang pahayag kontra kontrobersiya ang umalingawngaw mula …

Sipat Mat Vicencio

Dapat lang sibakin si Migz

SIPATni Mat Vicencio WALANG ibang dapat na sisihin sa pagkakasibak ni Senator Juan Miguel “Migz” …

FIRING LINE ni Robert B. Roque, Jr.

General lie

FIRING LINEni Robert B. Roque, Jr. PINAKAWALAN sa Shangri-La Dialogue ng pinakamatataas na opisyal ng …

AKSYON AGAD ni Almar Danguilan

Pananakit ng grupong MANIBELA kay Gonzales, kinondena ng QCPDPC

AKSYON AGADni Almar Danguilan NAKALULUNGKOT ang balita o nangyari kahapon sa kapatid namin sa pamamahayag …

Leave a Reply

Your email address will not be published. Required fields are marked *