This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
HABANG nalalapit ang eleksiyon unti-unting tumitining ang ‘kampihan.’
Ang pinakahuling nagdeklara, si Albay Governor Joey Salceda. Nag-withdraw sa Liberal Party at nagdeklarang si presidential aspirant Grace Poe na ang kanyang susuportahan.
Marami ang nakaaalam na ibang klase kapag kumumpas si Gov. Joey.
Kumbaga magkakaroon ng major movement sa political alignment sa buong bansa.
Magugunitang sinuportahan niya nang todo ang administrasyong PGMA at nagpahayag ng pagkiling sa kandidatura ni dating presidential aspirant Gibo Teodoro.
Pero nang papalapit na ang eleksiyon, kumumpas siya para kay Noynoy Aquino… and the rest is history.
Kumbaga, hindi pa nasisira ang kredebilidad at integridad ni Gov. Joey pagdating sa pagsuporta sa kanino mang kandidato.
Laging swak ang kanyang kalkulasyon at ramdam ang pulsong eksakto kung sino ang tamang kandidato.
Dahil sa pagdedeklara na ‘yan ni Gov. Joey, abangan natin sa mga susunod na araw ang malalaki at major movements sa iba’t ibang political alignments.
Remember, halos 15 araw na lang — imamarka na naman ang bagong yugto sa kasaysayan ng ating bansa.
Kaya hindi nakapagtataka kung magkaroon ng malaking pagbabago lalo roon sa mga nagsisiguro.
Huwag bibitaw.
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
