This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
HINDI natin masisisi si Ali Atienza kung bakit namamangka siya sa dalawang ilog ngayong tumatakbo siyang vice mayor ng Maynila.
Nakatikim na kasi ng talo si Ali noong tumakbo siyang mayor.
Kaya kung hindi pa siya makapapasok ngayong eleksiyon na ito, tiyak na panibagong kabiguan na naman ‘yan.
‘E bukod sa pagiging Taekwando master ‘e wala tayong alam na ibang karera si Ali. Kaya kapag natalo pa siya ngayon, anong karera ang kanyang magiging alternatibo?!
Anyway, medyo disappointed sa kanya ‘yung mga nakapaligid kay Mayor Alfredo Lim na nakarinig nang pag-uusap nila.
Pero ‘yun na nga, ano ba ang magagawa natin kung gustong magsiguro ni Ali?!
Taktika niya ang pamamangka sa dalawang ilog para masiguro ang kanyang panalo.
Ang dinig din natin ‘e medyo sumisingasing si hatsing ‘este’ si tado, ehek, Amado Bagatsing dahil ang nanguna sa survey ay sina Mayor Fred Lim at Ali.
Nag-aalboroto raw si hatsing ‘este’ Bagatsing kung bakit hindi siya ang nanguna sa survey ng UNA.
Tsk tsk tsk…
Unsolicited advice lang natin kay Ali, magpakasiguro na siya nang husto, mahirap na baka may maglaglag pa sa kanya.
‘Yun lang!
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
