This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
Paanong hindi makakukuha ng landslide votes si Digong sa Airport ‘e bad shot sa mga empleyado ang lahat sa ‘Daang Matuwid’ sa Ninoy Aquino International Airport (NAIA).
Ang “Daang Matuwid” daw sa NAIA ay matuwid lamang deretso sa bulsa ng Kamaganak Inc., kaya wala raw talagang natutuwa sa kanila lalo sa hanay ng mga empleyado.
‘E ilang bonuses at incentives nga ba ang nawala sa mga empleaydo sa ilalim ng liderato ng Daang Matuwid.
Kaya huwag na po kayo magtaka kung bakit landslide sa Airport employees si Digong ganoon din si Bongbong Marcos.
Hindi pa po nawawala ang mga taong sumaya ang buhay sa administrasyon ni dating Pangulong Ferdinand Marcos, kaya naman todo ang suporta nila kay Bongbong.
Gusto na nga nilang palitan ang pangalan ng NAIA at ibalik na lang daw sa Manila International Airport (MIA) dahil mula raw nang palitan ito ay dinapurak ang kamalasan.
Malas as in malas daw talaga.
Saan ka naman nakakita ng Airport na bigla na lamang nangagbabagsakan ang mga walling at ceiling!? Tapos hindi maintindihan ng mismong general manager kung bakit nag-brownout.
Kaya nga ang sagot lang ni GM Bodet Honrado, “E minalas kami!”
‘E kung ganyan lang ang alam na sagot, talagang mamalasin nga raw ang airport?!
Ay sus!
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
