Tuesday , June 25 2024

5 suspek sa bebot na inilagay sa drum arestado ng NBI

LIMA ang naaresto ng mga ahente ng National Bureau of Investigation (NBI), kabilang ang tatlong pulis at dalawang sibilyan, habang pinaghahanap ang tatlo pang mga suspek, pawang sangkot sa pagdukot at pagpatay sa isang 50-anyos ginang na natagpuan sa loob ng drum habang nakalutang sa Ilog Pasig sa Ermita, Maynila nitong Biyernes ng umaga.

Kinilala ang mga naaresto na sina Inspector Eljie Jacobe, ng National Capital Region Police Office-Supplies Division, residente sa Gagalangin, Tondo; PO1 Mark Jay delos Santos ng Brgy. 1 Reyes St., Lower Bicutan, Taguig City; PO1 Edmon  Gonzales, ng Antonio Rivera St., Tondo; at dalawang sibilyan na sina Domingo Balanguit, ng Vicar Building, NBP Reservation, Poblacion Muntinlupa City; at Empire Salas, ng R. Cruz St., Gagalangin, Tondo.

Samantala, tatlong suspek pa ang tinutugis ng NBI na may mga alyas na Egay, Ver at isang John Doe.

Ang nabanggit ang pangunahing mga suspek sa pagpatay sa biktimang si Adora Lazatin.

Natagpuan ang bangkay ng biktima na underwear lamang ang suot habang nakasilid sa asul na drum at inaanod sa Pasig River.

Sa ulat na isinumite ni Atty. Manny Eduarte, hepe ng NBI-Anti Organized and Transnational Crime Division, kay NBI Director Virgilio Mendez, naaresto ang limang suspek habang nagwi-withdraw ng P50,000 sa Banco De Oro sa Parañaque gamit ang ATM ng biktima nitong Sabado.

Una rito, dinukot ng mga suspek ang negosyante noong nakaraang Lunes makaraan magpanggap si Insp. Jacobe na buyer ng lupang ibinebenta ni Lazatin.

Tinangka ng mga suspek na humingi ng ransom sa pamilya ng biktima kahit patay na ang negosyante.

Anim na beses nang nakapag-withdraw ng tig-P50,000 ang mga suspek sa ATM ni Lazatin bago sila nahuli ng NBI.

About Leonard Basilio

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …

Leave a Reply

Your email address will not be published. Required fields are marked *