Friday , June 21 2024

Meralco asam ang twice-to-beat (Kontra Alaska)

SISIGURADUHIN ng Meralco ang pagkakaroon ng twice-to-beat advantage sa quarterfinal round ng PBA Commissioner’s Cup sa pamamagitan ng  pagposte ng panalo kontra Alaska Milk mamayang 7 pm sa Smart Araneta Coliseum sa Quezon City.

Sa unang laro sa ganap na 4:15 pm ay nais ng Globalport na maging maganda ang pamamaalam nito sa torneo sa sagupaan nila ng Phoenix Petroleum.

Ginapi ng Bolts ang Mahindra, 94-86 noong Linggo upang manatili sa itaas ng standings sa record na 7-2. Kung mananalo sila sa Aces ay makukuha na nila ang isa sa top two berths sa elims kahit pa may natitira silang laro kontra Barangay Ginebra sa Abril 13.

Subalit kung matatalo ang Meraco sa Alaska ay puwede silang mahulog sa No.3 puwesto o No. 4 kung mabibigo din sila sa Gin Kings.

Ang Aces ay may 6-3 kartang tulad ng sa San Miguel Beer. Kapag nagwagi ang Aces at Beermen sa huli nilang dalawang games ay makakamtan nila ang top two spots at makukuha ang twice-to-beat advantage.

Ang Meralco ay pinamumunuan ng import na si Arinze Onuaku na makakaduwelo ni Shane Edwards. Si Onuaku ay sinusuportahan nina Cliff Hodge, Jared Dillinger, Jimmy Alapag at rookies Chris Newsome at Baser Amer.

Makakatapat nila sina Calvin Abueva, Sonny Thoss, Cyrus Baguio, Vic Manuel at Chris Banchero.

Ang Globalport ay nasa ibaba ng standings at dalawang beses pa lang nanalo sa sampung laro. Katunayan, hindi pa sila nagwawagi buhat nang kunin bilang import si Shawn Taggart.

Kahit pa nagbalik buhat sa injury si Terrence Romeo ay hindi pa rin napigilan ang pagsadsad ng Batang Pier. Umaasa na lang si coach Pido Jarencio na magiging maganda ang kanilang pamamaalam upang magsilbing inspirasyon sa third conference.

Ang Phoenix ay may 3-6 record at nangangailangang manalo sa huling dalawang laro upang magkaroon ng tsansang pumasok sa quarterfinals.

Ang Fuel Masters ay sumasandig kay Kevin Pinkney na sinusuportahan nina JC Intal, RR Garcia, Mac Baracael  at Willy Wilson.

Magkikita naman sa isang out-of-town game bukas ang Mahindra at defending champion Tropang TNT sa ganap na 5 pm sa Puerto Princesa Stadium sa Palawan.

( SABRINA PASCUA )

About Sabrina Pascua

Check Also

VINNY Marcos Volleyball FIVB men’s worlds

Vinny Marcos nanguna sa ceremonial launch ng 2025 FIVB men’s worlds

IPINAKITA ng anak ng Pangulo na si William Vincent “Vinny” Araneta Marcos ang pagmamalaki at …

Brazil nanaig vs Netherlands sa VNL Week 3

Brazil nanaig vs Netherlands sa VNL Week 3

PASAY CITY – Bumangon ang Brazil mula sa first-set loss para talunin ang Netherlands sa …

Team Seirin JCI Senate Lipa Open Rapid chess

Team Seirin dinala ni Cu sa tagumpay

Lipa City, Batangas — Nanguna ang Team Seirin sa open division ng JCI Senate Lipa …

Eric Buhain Anthony Reyes PAI

Hikayat ng Philippine Aquatics, Inc. (PAI):
HOMEGROWN SWIMMERS, PINOYS ABROAD MAGPATALA, LUMAHOK SA NATIONAL TRIALS

HINIKAYAT ng Philippine Aquatics, Inc. (PAI) ang lahat ng mga homegrown swimmers at Filipino na …

philracom

2024 Philracom 2nd leg Triple Crown Stakes sa Father’s Day 

MANILA — Inihayag kahapon ng Philippine Racing Commission (PHILRACOM) ang 2nd Leg Triple Crown Stakes …

Leave a Reply

Your email address will not be published. Required fields are marked *