Tuesday , June 25 2024

Tserman utas sa atake sa puso (Suspek sa pagpatay sa pulis, 1 pa)

HINDI na mapapanagot sa batas kaugnay sa pagpatay sa isang bagitong pulis at isang vendor sa Caloocan City ang isang barangay chairman makaraan bawian ng buhay nang atakehin sa puso kamakalawa ng gabi habang nagpapagaling sa pagamutan kaugnay sa tama ng bala ng baril sa hita.

Ayon kay Sr. Supt. Bartolome Bustamante, hepe ng Caloocan City Police, dakong 10 p.m. nang atakehin sa puso si Ronald Romero, 38, chairman ng Barangay 128, habang naka-confine sa Chinese General Hospital.

Nauna rito, sinampahan ng two counts ng murder si Romero dahil sa pagpatay kina PO1 Richmond Mataga, nakatalaga sa Police Community Precinct (PCP) 1, at Michael Serrano.

Dakong 4:05 p.m. nitong Sabado nang maka-rinig ng putok ng baril si Mataga habang minamaneho ang kanyang motorsiklo kasama ng isang nagngangalang Joana Clarises Cabucan sa pa-nulukan ng Binhagan at Cabatuan streets, Brgy. 129.

Bunsod nang tawag ng tungkulin, tinungo ni Mataga ang pinanggali-ngan ng putok at nakita si Romero at isa pang lalaki habang binabaril si Serrano bagama’t naka-handusay na sa kalsada.

Agad nagpakilala si Mataga bilang pulis ngunit hindi pa rin tumigil ang dalawa sa pamamaril kaya’t nagpasya ang pulis na barilin si Romero sa hita ngunit gumanti ng putok ang tserman kaya tinamaan ng bala sa dibdib ang pulis.

Bukod sa kasama ni Romero na bumaril sa mga biktima, isa pang lalaki na sinasabing kasabwat din ng mga suspek ang nakita sa close circuit television (CCTV) camera, na kinilalang si alyas Arvie.

“Hihintayin natin ang resulta ng ballistic examination sa nakuhang mga basyo ng bala, posibleng hindi lang si chairman ang nakabaril kay PO1 Mataga,” ani Bustamante sa panayam ng mga ma-mamahayag.

Patuloy ang manhunt operation ang mga tauhan  ng Follow-up Unit ng Caloocan City Police, na pinamumunuan ni Sr. Insp. Edgar Adona, laban sa sinasabing mga kasama ni Romero.

About Rommel Sales

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …

Leave a Reply

Your email address will not be published. Required fields are marked *