Batchmates, may sarili nang TV show

HAVEY ang all female group na Batchmates dahil mayroon na silang sariling TV show entitled Batchmates Live On TV na mapapanood tuwing Lunes at Miyerkoles , 9:00-10:00 p.m. sa Cable Link TV Channel 7 under Trimedia Broadcasting Network. May liveStream din ito sahttp://www.ustream.tv/channel/8trimedia .

Abalang-abala  ang kanilang manager na si Lito De Guzman sa pag-iisip ng konsepto at kung ano ang ikagaganda ng kanilang show. Nasaksihan namin ang pilot episode nito at nairaos naman nila ang show.

Hanga kami kay Vassy dahil marunong pala itong mag-host . Siya ang pangunahing host ng grupo.

Masaya ang Batchmates Live On TV dahil bukod sa nagpe-perform sila, nagtatalakayan din ng mga importanteng isyu. Bukod dito, maaari rin silang tanungin ng kanilang fans kaya mas lalo silang nakikilala.

Walang inaatrasang tanong ang Batchmates dahil kahit ang virginity ay tahasan nilang sinagot.

Bongga.

TALBOG – Roldan Castro