Pangako ng trapo sa Guiguinto nagawa na ni Mayor Gani!

Ngayong panahon na naman ng bolahan ‘este kampanya ay kanya-kanyang pangako at pang-uuto ang ilang TRAPO (traditional Politician) sa mga botante.

Pagalingan ng papogi!

Pero may isang naiiba sa mga trapo … walang iba kundi ang dating Guiguinto Mayor ISAGANI PASCUAL na sa panahon ng panunungkulan niya ay naisakatuparan ang mga ipinapangako pa lang ngayon ng mga kalaban niya.

Garantisado at epektibo lahat ng mga naging proyekto niya sa kanyang bayan.

Proyektong pang-edukasyon, kalusugan at pangkabuhayan ay nailatag nang maayos ni Mayor Gani.

Libreng matrikula sa mahigit na 21 day-care centers na umaabot sa libong estudyante.

Libreng gamit rin sa eskwela gaya ng lapis, papel, krayola, notebooks, pambura at mga libro na nakalagay sa maayos na bag at may kasamang pambaon.

Itinaguyod rin ang full scholarship sa kolehiyo para sa kabataang mahihirap.

Ang mga ipinangako o pangako ng kanyang katunggali sa libreng gamot at serbisyo-medikal lalo sa senior citizens ay nagawa na niya.

Kaya nga nagsisisi ngayon ang mga taga-Guiguinto dahil tila napabayaan ang 100 posiyento na libreng gamutan noon sa kanilang ospital.

Hindi siguro prayoridad ng mga nakaupo ngayon ang health services sa kanilang bayan?

Sabi nga ng mga taga-Guiguinto, hindi na kami magiging ‘bobotante’ at magpapasilaw sa konting barya sa  darating na eleksiyon.

Mas pipiliin nila si Mayor Gani Pascual na naranasan na nilang magsilbi nang tunay.

TEAM GP lamang nina Mayor Gani Pascual at Bise Pute Aballa ang kanilang iboboto ngayon at wala nang iba!

APRUB!!!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com