Kelot patay, 1 sugatan sa ambush  

PATAY ang 32-anyos lalaki habang sugatan ang kanyang kasama nang pagbabariilin ng hindi nakilalang armadong mga suspek sa gitna ng masayang kuwentohan ng magkaibigan sa Taguig City kahapon ng madaling araw.

Namatay habang nilalapatan ng lunas sa Taguig-Pateros District Hospital ang biktimang si Michael Laureta, ng 248 Apag St., Wildcat, Brgy. Ususan ng lungsod.

Habang nilalapatan ng lunas sa pagamutan ang kasama niyang si Micael Escobido, 28, ng 319 Guave St., ng nabanggit na barangay.

Ayon sa pulisya, dakong 12 a.m. nang paulanan ng bala ng armadong mga suspek ang dalawang biktima habang nagkukuwentohan sa C-5 Service Road Southbound, Wildcat, Brgy. Pinagsama.

Agad tumakas ang mga suspek makaraan isagawa ang pamamamaril habang dinala ng ilang concerned citizen ang mga biktima sa pagamutan.

Inaalam pa ng mga awtortidad ang posibleng motibo sa insidente.