Sunday , April 21 2024

May topak nga itong si Johnson

MAY problema nga sa utak ang import ng Tropang TNT na si Ivan Johnson.   Aba’ý matapos na masuspindi ng isang laro at pagmultahin ng P50,000, hayun na naman at muli siyang nag-alboroto noong Linggo.

Dalawang technical fouls ang naisampal sa kanya sa laro ng Tropang Texters kontra Meralco Bolt. Bale 16 minuto lang ang kanyang inilagi sa hardcourt bago tuluyang na-thrown out matapos ang insidente sa kanilang dalawa ni Brian Faundo.

Pero hindi doon natapos ang lahat.

Bago tuluyang lumabas ng hardcourt ay minura ni Johnson si PBA Commissioner Chito Narvasa at kung anu-ano pa ang sinabi.

Ang resulta: Tsugi na siya sa liga!

Hindi pa natatapos ang TNT-Meralco game ay dinesisyunan na ni Narvasa ang kapalaran ni Johnson at pinatawan ito ng lifetime ban bukod sa pinagmulta ng P250,000.

Masakit iyon para sa Tropang TNT dahil sa mapipilitan silang maghanap ng kapalit agad-agad. Kahit na umapela sila sa PBA Commissioner’s Office ay malamang na hindi sila pagbigyan. Ito kasi ang ikalawang pagkakataong binastos ni Johnson si Narvasa. Ang unang pagkakataon ay noong bago nagsimula ang Commissioner’s Cup at nagkaroon ng workshop para sa mga broadcasters. Nilayasan umano ni Johnson ang workshop matapos na hindi sumang-ayon sa sinabi ni Narvasa.

Lahat ng imports ay nasa workshot at siya lang ang lumayas!

Pinalampas iyon ni Narvasa.

Pero nang umulit ang kabastusan ni Johnson ay napuno na ang commissioner.

Si Johnson ang ikalawang import na napatawan ng lifetime ban. Ang una ay ang San Miguel import na si Renaldo Backman noong 2013.

Siyempre, may back up plan naman ang Tropang TNT. Pero hindi natin masasabi kung makakapag-adjust kaagad ang kapalit ni Johnson.

Mabuti na lang at maagang nangyari ang pagkakasibak kay Johsnon. May pagkakataon pa ang Tropang Texters na makabawi.

SPORTS SHOCKED – Sabrina Pascua

About Sabrina Pascua

Check Also

NYBL Butz Arimado TOPS PSC

NYBL Inter-Cities lalarga sa Mayo 4

ISASAGAWA ng National Youth Basketball League (NYBL) ang 2nd Inter-Cities and Municipalities basketball championship  sa …

Philippine athletics TOPS PSC

Philippine athletics meet tatakbo na

Manila — Inilalagay ng Philippine Athletics Track and Field Association ang kanilang pinakamahuhusay na atleta …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Leave a Reply

Your email address will not be published. Required fields are marked *