Amazing: Aso sa Brazil magaling maglaro ng soccer

KABAHAN ka na Neymar, mayroon nang bagong Brazilian star.

Ang asong Border collie na si Scotch ay kinagigiliwan ng marami dahil sa kanyang kahanga-hangang galing.

Ang 3-anyos na aso ay nakuhaan ng camera habang hinahataw ng kanyang ulo at sinisipa ang bola sa beach kasama ng kanyang amo na si Felipe Eckhardt at mga kaibigan.

Sa iba’t ibang video na naging viral, mapapanood ang aso habang naglalaro ng ‘altinha’ o “keep-ups,” sa golden sands malapit sa Rio de Janeiro.

Sinabi ni Eckhardt, 31, natuwa siya nang mabatid na marami ang natuwa sa clips ng kanyang aso.

“My wife and I spent Christmas Day being tagged in posts and geting messages and calls from friends in Brazil and abroad who’d seen the video,” pahayag niya, ayon sa ulat ng El Comercio.

Sinabi ng publicist sa Ruptly, si Scotch, tinaguriang “the Neymar dog” dahil nakokontrol niya ang bola katulad ng FC Barcelona striker, ay ‘the best (dog) footbal player in he world.”

“Let’s see now if someday he can play with Neymar and even get more famous than he is already,” dagdag ni Eckhardt.

Si Scotch ay mayroon nang sarili niyang Youtube at Instagram accounts.

Ngunit, ayon sa New York Post, may bagong batas sa Brazil na nagbabawal sa mga aso sa paglalaro sa beach kaya maaaring hindi na uli siya makapaglalaro roon.

“It is a shame that just as he has achieved this great fame as a canine footballer, he’s been shown the card card,” pahayag ni

Eckhardt sa publikasyon. “I will have to buy him a big bone to compensate — and find somewhere else where he can play.”