This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NGAYONG araw ay bubuksan ang reinvestigation sa Mamasapano incident.
Eksaktong isang taon at dalawang araw, Enero 27 (2016) pagkatapos ng nasabing insidente, muling pinabubuksan ni Senator Juan Ponce Enrile ang imbestigasyon dahil mayroon umano siyang ihaharap na bagong ebidensiya.
Hindi na raw niya kailangan ang kopya ng audio recording sa pagitan ng isang ‘mataas na opisyal ng gobyerno’ at isang ‘mambabatas’ na hawak ng isang Chief Supt. Diosdado Valeroso.
Ang nasabing usapan umano ay may higing na i-cover-up kung ano ang tunay na pangyayari sa Mamasapano incident.
Pero ayon kay Senator JPE, hindi na umano dapat i-subpoena kung sino man ang mayhawak ng ebidensiya, dapat na magpakita na agad sila sa Senado.
Pero hindi sang-ayon ang ilang Senador sa ihaharap na ebidensiya ni Valeroso kasi lalabas umano na wiretapping ito.
Ang inaabangan ng sambayanan ngayon ay kung gaano ‘kalakas’ ang paputok na ito ni Senator JPE.
Nakagigimbal ba talaga ito at kayang ipakulong o i-impeach si PNoy at ang kanyang mga alyado?!
O ito’y isang tila ‘supot’ na paputok?!
Totoo rin kaya na ang layunin ng pag-iingay ni JPE ay para makapagpiyansa ang kanyang chief of staff na si Gigi Reyes, kilala sa Senado bilang ika-25 senador?!
Pero knowing Enrile, hindi siya sanay gumamit ng mga ‘supot’ na paputok.
Kumbaga sa galaxy, mas kilala si Enrile sa kanyang BIG BANG operations.
Let’s wait and see kung mayroong kagulat-gulat sa mga ilalabas na ‘ebidensiya’ ni Senator JPE.
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
NGAYONG araw ay bubuksan ang reinvestigation sa Mamasapano incident.
