PGT Season 5, pinakain ng alikabok ang Celebrity Bluff

SUMIPA kaagad sa ratings game ang Pilipinas Got Talent Season 5 na umere na noong Sabado dahil nakakuha kaagad ito ng 25.5% kompara sa Celebrity Bluff na 12.1% sa national ratings game at 24.5% noong Linggo kompara sa Wanted President na 12.9%. ngGMA 7.

Hindi na namin babanggitin ang ratings ng ibang programang katapat sa ibang network dahil hindi naman sila ang direktang kakompetensiya ng ABS-CBN.

Anyway, ang PGT5 ang usap-usapan nitong weekend dahil ang gagaling daw ng contestants at nakatatawa at higit sa lahat, inabangan talaga nila ang mga huradong sina Vice Ganda, Robin Padilla, Angel Locsin, at Mr. Freddie M. Garcia.

Kung tinututukan daw ang coaches ng The Voice na sinaLea Salonga,  Bamboo, Apl de Ap, at Sarah Geronimodahil sa banter nila at ikalawa ang contestants ay iba naman ng Pilipinas Got Talent 5 dahil lahat aabangan mo.

Sa ikawalang episode palang ng PGT5 ay pinindot na kaagad ni Robin ang golden buzzer para sa Power Duona taga-Angono, Rizal na nagpakitang gilas sa kanilang interpretative dance sa awiting On The Wings of Love.

OTWOLISTAs  din kaya ang Power Duo dahil ang soundtrack ng kilig serye nina James Reid at Nadine Lustre ang ginamit nila para sa kanilang sayaw? Obserbasyon nga ni Vice, ”’yung ginawa ninyo, maganda ang epekto sa amin kasi nararamdaman namin ‘yung istorya. May sincerity sa haplos, may sincerity sa tinginan. Totoo ‘yung istorya, tumatagos sa amin mula riyan sa entablado papunta rito ‘yung istorya, damang-dama namin.”

Pati si Angel ay nahalata ring sweet ang Power Duo,”akala ko ba magkaibigan lang kayo, bakit magkahawak-kamay lagikayo?”

At diniretso na ni Robin ang dalawa, ”hindi ninyo ako mabobola, sa tanda kong ito? Hindi ninyo magagawa ‘yan kung hindi ninyo mahal ang isa’t isa.”

At saka tinanong ni Vice kung may girlfriend ang guy at saka inaming nililigawan nga niya ang girl na kapartner niya at dito na nagsigawan ang lahat ng taong nasa KIA Theater dahil kinilig.

Ang saya-saya ng lahat ng audience sa KIA Theater at iisa ang isinisigaw nila, “golden buzzer” kaya pinindot ni Robin at sabay akyat sa stage para batiin ang Power Duo.

In fairness, deserving naman. Ibig sabihin ay sa semi-finals na uli mapapanood ang Power Duo ng Angono Rizal kaya may panahon pa sila para magpakita ng kakaibang sayaw sa muli nilang pagharap kina Vice, Robin, Angel, at FMG.

FACT SHEET – Reggee Bonoan