This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
DALAWA katao ang sugatan nang pagtulungang saksakin ng mag-ama at dalawa pang kaanak sa lungsod ng Pasay kamakalawa.
Nilalapatan ng lunas sa Pasay City General Hospital ang mga biktimang sina Concesa Gamboa, 58, at Jan Gilbert Eusebio 29, ng 1722-F. Muñoz St.,Tramo, Brgy. 43, Zone 6 ng nabanggit na lungsod.
Tumakas ang mga suspek na sina alyas Rico, Banjo, Carlo at John, naninirahan din sa naturang lugar.
Sa imbestigasyon ni SPO1 Giovanni Arcinue, nangyari ang insidente dakong 6:30 p.m. sa panulukan ng Tramo at Eusebio Streets, Brgy. 42, Zone 6.
Ayon sa ulat, nagtungo sa isang tindahan si Gamboa para bumili ng sigarilyo ngunit biglang lumapit ang mag-amang suspek at siya ay pinagtulungang saksakin.
Habang ang dalawa pang kamag-anak na tumatayong back-up ay pinagsasaksak din si Eusebio.
Napag-alaman, si Gamboa ang hinihinalang nagturo sa mga pulis kaya naaresto ang kamag-anak ng mga suspek na si Marielo na sinasabing tulak ng droga.
Patuloy na inaalam ng mga awtoridad ang tunay na pangalan ng mga suspek at kung totoong may kaugnayan sa droga ang inarestong si Marielo.
