NAG-AALALA ang ilang staff ng isang umeereng programa ng kilalang TV network dahil patapos na ang season nito at pinangakuan daw sila ng management na may susunod na season kaya tuwang-tuwa ang lahat.
Pero sa nakaraang meeting daw ng TV executives sa management para sa next season ay naiba na ang plano dahil ibang unit na raw ang magtutuloy. Ibig sabihin, may mawawalang executives at staff dahil hindi sila tao ng bagong unit na magtutuloy.
Ano raw ba ang nangyari at nabago ang plano?
Ang tsika sa amin, “eh, may kinalaman sa budget ng kasalukuyang namamahala sa umeereng programa.”
Sa madaling salita, may dagdag-bawas, “smile na lang ako ha,” sagot sa amin ng kausap naming executive rin.
Ayaw ng magkuwento pa ang kausap naming executive at saka na lang daw ‘pag plantsado na ang lahat.
Okay Fine!
( Reggee Bonoan )
