This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
WALA nang buhay nang matagpuan ang isang 24-anyos obrero makaraang bangungutin sa loob ng kanyang bahay sa Pandacan, Maynila kahapon ng umaga.
Kinilala ang biktimang si Rowel Morla Lorica, walang asawa, nanunuluyan sa T. San Luis Street, Pandacan.
Sa imbestigasyon ni SPO3 Jonathan Bautista ng Manila Police District Homicide Section, dakong 9:43 a.m.nang matagpuan ng kanyang kasamahan na si Raylan Lumosco, ang biktimang wala nang buhay sa kanilang tinutuluyang bahay sa Pandacan.
Nabatid na huling nakitang buhay ang biktima habang nanonood ng telebisyon kasama ng kanyang mga katrabaho na sina Rey Bernardo at Bryan Mesa sa kanilang kapitbahay.
Pagkaraan ay nagpaalam ang biktima na babalik na sa barracks para matulog.
Kinaumagahan, nang gisingin ng mga kasama ay hindi na nagising ang biktima.
Sa ulat ng pulisya, posibleng binangungot ang biktima.
