MTPB bantay-huli imbes magmando ng trapiko (Sa kanto ng San Marcelino at Ayala Blvd.)
GOOD am po Sir Jerry. Kahapon po ito nangyari, mayroong MTPB sa kanto ng San Marcelino at Ayala Boulevard. Hinuli po ako ng MTPB sa kanto ng San Marcelino at Ayala Boulevard (sa tapat ng Technological University of the Philippines), BEATING THE RED LIGHT ang ita-charge sa akin gayong nakakanan na ako mula sa Ayala Boulevard na GREEN LIGHT pa. Maayos akong nagpapaliwanag hanggang lapitan ako ng apat pang MTPB. Sinabi kong reviewhin nila ang CCTV. Sinagot ako na, “Kapag ini-review namin ang CCTV at tama kami, kukunin namin ang lisensya mo.” Sabi ko naman, kapag ini-review natin ang CCTV at kayo ang mali, anong mangyayari sa inyo? Sumagot ang LIMANG MTPB nang WALA. MTPB lang daw sila at nandoon sila sa kanilang puwesto para lang daw sa monitoring at hindi para magmando ng trapiko. Sana malinaw sa mga kagawad ng MTPB kung ano ang JOB DESCRIPTION nila nang hindi sila nakaaabala sa mga motorista. Halos sakop nila ang isang lane diyan sa tapat ng TUP kapag nakakumpol sila at doon pa ipina-park ang kanilang mga motor.
Hindi sila nakatutulong para lumuwag ang trapiko. Perhuwisyo sila sa mga motorista. Nagbabantay lang sila kung sino ang mahuhuli at hindi para lumuwag ang trapiko sa kalsada. Aba, mas mabuti palang buwagin na ‘yan kung hindi nila trabaho na magmando ng trapiko. Salamat po.
(Name and number withhold for security reasons)
[divider]
