This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang lalaki makaraang mabundol ng isang traktora sa Makati City kamakalawa ng gabi.
Binawian ng buhay noon din ang biktimang kinilala lamang sa alyas Georgie, tinatayang nasa edad 30-35, payat ang pangangatawan, nakasuot ng puting t-shirt at maong pants, dumanas nang matinding pinsala sa katawan.
Nahaharap sa kasong reckless imprudence resulting in homicide ang operator-driver ng traktora na si Roel Impil Gumanad, 25, ng Talanay Area-B, Batasan Hills, Quezon City.
Sa ulat ni Chief Inspector Marlon Almoguerra, ng Makati City Police, naganap ang insidente dakong 9 p.m. sa panulukan ng President Sergio Osmena Sr. Highway at A. Arnaiz Avenue, Brgy. Pio Del Pilar ng lungsod.
Minamaneho ni Gumanad ang tractor head na nakakabit sa trailer truck (PXR-982) at (TUC-428) habang tinatahak ang naturang lugar nang biglang tumawid ang biktima.
Huli na bago nakontrol ng driver ang preno na naging dahilan upang mabundol ang biktima.
