HATAW! D'yaryo ng Bayan hatawtabloid.com
WALANG kompirmasyon na nanggagaling kina Lovi Poe at Rocco Nacino na hiwalay na. Kung ano-anong blind items na ang naglalabasan sa dalawa. ‘Yung iba ay iniuugnay pa sa pera ang umano’y hindi nila pagkakaunawaan.
Tulad sa ibang artista, inaabangan sa kanilang Instagram account kung ano ang statement nila. Hitsurang Carla Abellana at Geoff Eigenmann ang drama na hindi direktang tinutukoy ang patutsadahan.
Nabibigyan na ng ibang kulay ang post ni Rocco na, “One of the hardest decisions you’ll ever face in life is choosing whether to walk away or try harder.”
May nagco-comment nga sa IG niya na harapin ito dahil trial lang iyon. Magdasal at magmahalan lalo’t malapit na ang Pasko. Posible kayang maging malamig ang Christmas ni Rocco?
Sa IG naman ni Lovi ay may picture ng kahon na punompuno ng memories at nagpapalungkot ngayon sa kanya. May kanya-kanyang interpretation ang mga fan na may kinalaman ito sa lovelife niya.
May quotation ka ring mababasa sa post niya na, “Sometimes you have to give up on people not because you don’t care, but because they don’t.”
Inuurirat tuloy siya ng fans kung hiwalay na ba sila ni Rocco? Deadma na lang siya. May nag-comment din na hindi sila hiwalay ni Rocco kundi lilipat na siya umano sa ABS-CBN.
Ano ba ang true?
ni ROLDAN CASTRO
