TIKOM ang bibig ng head coach ng De La Salle University na si Juno Sauler tungkol sa mga tsismis na nagbitiw na raw siya bilang head coach ng Green Archers sa UAAP men’s basketball.
Lumabas ang balita tungkol sa pagbitiw umano ni Sauler sa sports website na www.spin.ph at ilan sa mga kandidatong papalit sa kanya ay sina dating La Salle coach Franz Pumaren, Archers assistant coach at dating Ginebra coach Siot Tanquingcen at dating Letran coach Louie Alas.
“I’d answer all questions after the school comes up with an official statement,” pahayag ni Sauler sa panayam ng www.sports.abs-cbn.com.
Matatandaan na binatikos ng ilang mga alumni ng La Salle si Sauler dahil sa kanyang palpak na paggabay sa Green Archers na hindi nakapasok sa Final Four ngayong Season 78.
( James Ty III )
