APEC 2015 chairman President Benigno S. Aquino III joins fellow world leaders, namely, (L-R) (front row) Republic of Chile President Michelle Bachelet; Canadian Prime Minister Justin Trudeau; Brunei Darussalam Prime Minister Sultan Hassanal Bolkiah; Commonwealth of Australia Prime Minister Malcolm Turnbull; People’s Republic of China President Xi Jinping; Republic of Peru President Ollanta Humala; Socialist Republic of Vietnam President Truong Tan Sang; United States of America President Barack Obama; Kingdom of Thailand Prime Minister General Prayut Chan-o-Cha; and Chinese Taipei former Vice President Vincent Siew. (back row) Hong Kong, China Chief Executive CY Leung; Republic of Indonesia Vice President Jusuf Kalla; Japanese Prime Minister Shinzo Abe; Republic of Korea President Park Geun-hye; Malaysian Prime Minister Najib Razak; United Mexican States President Enrique Peña Nieto; New Zealand Prime Minister John Key; Independent State of Papua New Guinea Prime Minister Peter O’Neill; Russian Federation Prime Minister Dmitry Medvedev; and Republic of Singapore Prime Minister Lee Hsien Loong, for the traditional Asia-Pacific Economic Cooperation (APEC) Leaders Meeting (AELM) Family Photo at the Main Lobby of the Philippine International Convention Center (PICC), Cultural Center of the Philippines complex in Pasay City on Thursday (November 19, 2015). Working with this years theme: Building Inclusive Economies, Building a Better World. (Photo by Robert Viñas / Malacañang Photo Bureau)
NAGWAKAS na nga ang Asia-Pacific Economic Cooperation (APEC) Summit.
Ang sigaw ng sambayanang Pinoy… yeheeey!
Kahapon ay nagmistulang garrison noong panahon ng Japanese occupation ang Intramuros, Maynila.
Nag-abiso naman sila, pero wala namang saysay ang abiso kung walang alternatibo, hindi ba?
Gaya ng ginawa nila nitong nakaraang Lunes, nagsara sila ng mga kalsada pero hindi malinaw sa commuters at motorista kung alin o nasaan ang mga alternatibong daan.
Para tuloy nagkaroon ng death march mula sa Coastal Road hanggang sa Buendia via Roxas Blvd.
Pero higit na dapat tayong maging concern, kung ano nga ba ang mahihita natin sa P10-billion APEC Summit na ‘yan?!
Kahit naman, araw-araw mag-APEC Summit kung wala naman mismong plano ang gobyerno para sa pagpapaunlad ng kabuhayan ng mas maraming mahihirap na Filipino, mararamdaman ba natin ‘yang APEC na ‘yan?!
Ramdam lang ‘yan ng maliliit nating mga kababayan dahil ilang araw silang nagutom. Ilang araw silang hindi nakalabas para maghanapbuhay.
Kaya kung utang ‘yang ginastos na P10 bilyon sa APEC, malinaw na malinaw, dagdag-pasanin ‘yan sa mga taxpayer.
Habang ‘yung mga kababayan natin na sabi nila ay jobless at hindi raw nagbabayad ng tax ay nabaon sa utang sa tindahan (buti sana kung may nagpapautang pa, e ilang araw nang walang kayod). Baka marami sa kanila nagtiyaga na lang sa isang 3-in-1 na kape itinimpla sa isang pitsel para hati-hati silang mag-anak bilang almusal.
Saka lalabas ng bahay para magdelihensiya para naman sa tanghalian.
‘Yung hapunan… pwede nang memorize na lang, tutal matutulog na naman.
Habang ‘yung mga nasa APEC, halos wala nang mapaglagyan ang mga bundat na tiyan.
‘Yan po ang kabalintunaan ng APEC.
Maging pampalubag na lang sana ng gobyernong ito na maging tapat sa mamamayan na mag-ulat sa bayan pagkatapos ng APEC Summit.
Bukod sa gastos, sana makapagpakita rin ng listahan ng mga kasunduan kung ano talaga ang nahita ng isang bansang gaya natin sa Summit na ‘yan.
Huwag sanang dumating ang sandali na kapag may nagtanong kung ano ang nahita natin sa APEC, ang isasagot lang mga nasa gobyerno ‘e, “KAILANGAN PA BANG I-MEMORIZE ‘yan?!”
‘Yun lang!
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
About Jerry Yap
Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
HATAW! D'yaryo ng Bayan hatawtabloid.com
