This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
Hindi na nalilimutan ‘yan… lalo na ngayong naging viral ang interview sa kanya ng isang lady broadcaster na hindi natin maintindihan kung ano talaga ang layunin kung bakit sa dami ng magagaling na kandidato ‘e si Alma pa ang inunang ma-interview.
Sabi nga sa Latin, In flagrante delicto ibig sabihin caught in the act na ‘tumatsamba’ lang si Alma.
Wala tayong masamang tinapay kay Konsehala Alma Moreno, sa totoo lang, isa tayo sa sumuporta sa kanya noong unang pagkakataon na siya ay sumabak sa politika.
Pero por Dios por Santo, ang pagpasok sa Senado ay nangangahulugan na kailangan mag-aral pa at laging pag-aralan ang sitwasyon para maging angkop ang batas na lilikhain.
Kumbaga, hindi lang updated dapat innovative pa, dahil ang pinag-uusapan dito ay future at lifetime laws na gagabay sa ating pamahalaan.
At mukhang ‘yan ang problema ng ilang celebrity. Akala yata nila, ang unang requirements sa pagpasok sa politika ‘e ‘yung kilala at sikat lang sila.
Excuse me po, dapat may ALAM, at hindi lang basta alam, dapat maraming alam.
Masisisi ba natin si Ms. Lady Broadcaster kung nasibat sa eksaktong weakness niya si Alma?!
Ang ibig nating sabihin, kung alam na sasalang sa interview on national television, dapat preparado ang interviewee at interviewer.
Ang dami nang paraan ngayon. Hindi naman dapat kabisadohin Ms. Alma, tablet lang ang katapat niyan!
Mukhang ‘patay ang ilaw’ nang magbasa ng lessons si Alma, kasi hindi niya natandaan kung ano ang inaral niya.
Tsk tsk tsk…
At dahil nasa social media era na tayo, wala nang magagawa si Alma kundi bilangin na lang kung ilan ang views at ilan ang shares ng ‘nakatutuwa at nakaiinis’ na interview segment na ‘yan.
O kaya basahin niya isa-isa ang comments and replies baka makapulot siya ng magagandang puntos at payo.
Kung sabagay, may dalawang epekto ‘yan, pwedeng marami ang nagtatawa at paulilt-ulit na pinag-uusapan si Alma dahil sa interview na ‘yan…
Pero puwede ring marami ang maawa sa kanya, lalo na ‘yung mga babae at matatanda at ang simpatiyang ito ay irehistro nila sa boto — tiyak ‘yun pasok sa Senado si Alma kapag nagkataon.
Pero isa lang ang lesson dito Ms. Alma — BE PREPARED on your new endeavours.
Uulitin ko lang po, hindi pwedeng sikat lang dapat may ALAM din.
‘Yun lang po.
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
‘YUNG tubig ni Vandolph dapat memorial water! 
