Kathryn, kulang sa hugot umarte (Parang laging may sipon at parang ngongo)

NAKUHA na namin ang sagot kung bakit nadi-distract kami sa acting ni Kathryn Bernardo. Ito’y dahil sa laging parang may sipon at parang ngongo siya ‘pag seryoso ang eksena at todo emote.

May halo ring ng pabebe ang acting ni Kathryn. Parang kulang siya sa hugot ‘pag umaarte. Lamon na lamon tuloy siya ni Jodi Sta. Maria na lagi pa naman niyang kaeksena sa Pangako Sa ‘Yo. Kahit nga ang kasabayan niyang siJulia Montes, lamang sa kanya sa galing umarte sa Doble Kara.

Sey nga namin, ibang-iba ito sa ka-love team niyang si Daniel Padilla na may lalim na ang acting. Habang tumatagal ay gumagaling. Nananalaytay talaga ang dugong artista.

Kaya nga, napansin ng PMPC Star Awards for TV ang acting ni DJ at nominado ngayon sa Best Drama Actor saPangako Sa ‘Yo na gaganapin sa December 3. Makakalaban niya sina Alden Richards (Ilustrado),Jericho Rosales (Bridges of Love), Eddie Garcia  (Give Love On Christmas Presents The Gift Giver), Gerald Anderson (Nathaniel), Paulo Avelino (Bridges of Love), atPiolo Pascual (Hawak Kamay)

Talbog!

TALBOG – Roldan Castro