This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
SARIAYA, Quezon – Duguan ang kaselanan ng isang 11-anyos dalagita nang magsumbong sa kanyang ina makaraang gahasain ng kanyang pinsan sa Brgy. Poblacion ng bayang ito kamakalawa.
Ang biktimang itinago sa pangalang Anna Lisa, residente ng nasabing lugar, ay agad isinugod ng ina sa malapit na pagamutan upang malapatan ng lunas.
Habang mabilis na tumakas ang suspek na si alyas Randy, 29, ng nasabi ring lugar, makaraang ilugso ang puri ng dalagita.
Batay sa ulat ni Supt. Harold Depositar, hepe ng Sariaya PNP, dakong 12 p.m. habang nagpapahinga sa kuwarto ang biktima nang pumasok ang suspek at siya ay ginahasa.
Bago tumakas, nagbanta ang suspek na may masamang mangyayari sa pamilya ng biktima kapag nagsumbong kahit na kanino hinggil sa insidente.
Nang dumating ang ina galing sa bukid para mananghalian ay nagulat nang makitang nagdurugo ang kaselanan ng anak.
Dali-dali niyang isinugod ang biktima sa pagamutan.
Ang suspek na sinampahan ng kasong rape in relation to R.A. 7610 (Child Abuse) ay tinutugis na ng mga awtoridad.
