This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
BINUGBOG daw ng mga kapwa preso at pinagpapalo ng tubo ang namatay na inmate na kinilalang si Gerardo Arguta, 45-anyos.
Si Arguta ay sapilitang dinakip ng isang barangay tanod na si alyas Budoy sa kanilang lugar sa Tenement sa Sta. Ana, Maynila dahil umano sa reklamo ng isang single mother na minolestiya ang kanilang anak.
Dinala siya sa kanilang Barangay Chairman na si Edgar Adelante. Pero inilipat din kay Chairman Edwin ‘balimbing’ Zambrona dahil doon umano talaga nakatira bago naman ipinasa sa kustodiya ng pulisya.
Sa madaling sabi, nagulat nga ang mga kaanak ni Arguta nang malaman na patay na siya. Pero mas lalo silang nahindik nang makitang punong-puno ng pamamaga at hematoma ang bangkay ng biktima.
Noong una, sinasabi ng mga pulis na inatake raw ng epilepsy kaya nangisay sa harap ng fiscal hanggang mamatay.
Pero kahapon, sinabi ng pulis na binugbog umano ng 67 kapwa preso ang biktima kaya nagkaroon ng mga pasa sa katawan.
Supt. Robert Domingo, ibang-iba ang sinabi mo sa media hinggil sa kamatayan ni Arguta.
Ngayon ay sinasabi ninyong binubugbog si Arguta ng 67 preso pero walang ginawa ang mga tauhan mo?!
Sonabagan!
Sino ngayon ang dapat managot sa pagkamatay ni Arguta, Kernel Domingo?!
MPD director, Gen. Rolando Nana, Sir, ano na ba ang nangyayari sa mga pulis na nasa ilalim ng inyong pamumuno?!
Mukhang hindi nab a epektibo ang pamumuno ninyo?!
NCRPO chief, Gen. Joel Pagdilao, katarungan ang hinihingi ng kaanak ng biktima sa kasong ito…
Aksiyon na!
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BINUGBOG daw ng mga kapwa preso at pinagpapalo ng tubo ang namatay na inmate na kinilalang si Gerardo Arguta, 45-anyos.
