Recall & review hiring of 200 IOs (Paging: SoJ Alfredo Caguioa)

NITONG nakaraang Martes ay opisyal na inihayag ang pangalan ni Chief Presidential Legal Adviser Alfredo Benjamin Caguioa bilang bagong DOJ Secretary kapalit ni outgoing DOJ Sec. Leila De Lima.

Maraming natuwa sa Bureau sa bagong development. Marami ang umaasa na kasabay sa pamamaalam ni Sec. De Lima, ay kasunod na marahil ang katapusan ng pamamayagpag ni Comm. “good guy” kuno.

Balita kasi na nadesmaya at luhaan daw si Miswa ‘este’ Mison nang hindi ang kanyang minamanok na si resigned DOJ Usec. Justiniano ang naging DOJ secretary.

Anyway, kung meron mang dapat bigyan nang agad na atensiyon ang bagong DOJ secretary, ito marahil ang pagrebisa sa nangyaring hiring ng 200 Immigration Officers na sapilitan daw pinalusot nitong si pabebe-Comm. Mison bago lumayas ‘este’ umalis si De Lima!

Sobrang garapalan daw ang nangyaring palusutan kaya bigla raw nag-voluntary exit bilang PSB Chairman si Atty. Roy P. Ledesma.

Hindi na raw masikmura nitong si RPL ang illegal na sistema sa OCOM na pilit nilang isinalaksak ang mga pangalan ng mga ‘bata’ nila kahit bagsak sa qualifying exam, panel interview at kulang na kulang sa eligibility.

Sonabagan!!!

At bigla palang tinamaan ng amnesia ang mga tao riyan sa BI-OCOM at nalimutan na ang paek-ek nilang tuwad ‘este’ daang matuwid.

Hindi ba kayo nangingilabot sa mga style bulok na diskarte n’yo riyan? May painte-integrity pa kayong nalalaman ‘e talaga namang wala kayong integridad?!

Kung ako sa inyo, tulungan n’yo na magba-lot-balot ‘yang amo ninyong si Comm. Fred ‘dondon’ Mison  bago kayo tamaan ng indulto!

Calling your attention, Hon. SOJ Caguioa, baka po pwede pong pakibigyan ng attention ‘yung naging sistema sa nakaraang hiring ng 200 IOs na nagdudulot ngayon ng demoralization sa BI rank & file employees?

Masyado po yatang naging lutong makaw courtesy of Atty. Tralala and Atty. Bactidol y plantsador!?

[divider]

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com