This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
MAGHAHAIN ngayong araw (Oktubre 13) ng certificate of candidacy (COC) si dating Manila Mayor Alfredo S. Lim para sa muling pagtakbo sa mayoral race, bilang official candidate sa ilalim ng Liberal Party.
Si Lim ay muling nagpasya tumakbo dahil marami sa Manilenyo ang komombinse sa kanya na muling ibalik ang nawalang mga libreng serbisyo tulad ng anim na ospital na dating walang bayad at libre ang mga gamot; at sobrang taas na buwis tulad ng real estate tumaas ng 300 porsyento na sinisingil ng lokal na pamahalaan at iba pa.
Magugunitang sa panahong nakaupo bilang alkalde si Lim, ang kanyang ipinangakong ‘womb to tomb’ o libre ang lahat ng serbisyo sa mga mahihirap sa health care, panganganak, pag-aaral hanggang sa libing at burol ay naibibigay nang walang bayad.
Libre rin ang konsultasyon sa mga doctor ng Ospital ng Maynila, Ospital ng Sta. Ana, Ospital ng Tondo, Justice Jose Abad Santos General Hospital, Gat Andres Bonifacio Memorial Medical Center, at Ospital ng Sampaloc.
Walang binabayarang gamot at iba pang medical services, at laboratories at hospital confinement.
Si Lim ang idineklarang official candidate ni LP President Joseph Emilio Aguinaldo Abaya, Jr. sa pagsasabing, “I signed his nomination and we believe in the capability of Mayor Lim to continue the straight path of President Benigno S. Aquino III.”
