This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
HETO na naman, maraming nakoryente sa isang post sa Facebook na nagdesisyon na raw si Davao City Mayor Rodrigo Duterte na tumakbong presidente.
‘E hindi pala totoo.
Hanggang ngayon ay hindi pa binabawi ni Digong ang kanyang desisyon base na rin sa payo ng kanyang pamilya.
Kayong mga urot nang urot kay Duterte, huwag ninyo siyang gamitin para sa pansariling interes ninyo. ‘Yung mama, hindi ‘yan humiwalay sa mga pangkaraniwang tao mula noon hanggang ngayon kaya kapado niya ang pulso ng politika sa bansa.
Hindi pinagdududahan ng mga naniniwala sa kanya ang kanyang kakayahan pero alam niyang hindi siya mananalo dahil iba’t iba ang manipulasyon ng eleksiyon sa bansa.
Ang eleksiyon sa ating bansa ay hindi na nangyayari sa conventional na paraan.
Mula sa mind conditioning hanggang sa aktuwal na dibersiyon ng boto, lahat ‘yan pinakikialaman na ng mga political, media at election operators.
Kaya nga malaki ang ginagastos ng isang kandidato para masiguro ang kanyang panalo.
Ang katuwiran, mababawi naman ‘yan kapag nasungkit ang puwesto.
Gaya nga nitong kaso ni Duterte.
Aba pansinin ninyo kung sino ang mga nakapaligid kay Digong ngayon.
Marami sa kanila mga dating higop-sipsip kay ex-president GMA.
Isa na nga sa mga naglalambitin ngayon sa poder ni Digong ay si Raul Lambino, na kilalang-kilalang madikit at tagapagsalita ni GMA.
Ingat-ingat Digong, sakali ngang mabuyo kang tumakbong presidente ng bansa tiyak na pagkakaguluhan ka ng mga kalawang.
Remember: ang sumisira sa bakal ay kanyang sariling kalawang.
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
HETO na naman, maraming nakoryente sa isang post sa Facebook na nagdesisyon na raw si Davao City Mayor Rodrigo Duterte na tumakbong presidente.
