Wednesday , May 22 2024

Try Me: Anong dapat gawin kung binuntis at pinaasa ka lang?

00 try me francine prieto
Hi Francine,

Ako po ay 7 months pregnant. Pero napaka-kom-plikado po ng sitwasyon namin ng boyfriend ko. Siya po kasi ay may 2 anak (2 years old at 1 year old) sa kanyang unang live-in partner. Hindi kami pwedeng magsama dahil ang sabi po niya ay hindi siya makaalis dun dahil balak niyang tapusin ang natitirang subjects niya sa course niyang criminology dahil ito ang pangarap niya at ayaw niyang sayangin ang pagkakataong pag-aaralin siya ng kanyang mga magulang bago mag-retire.

Sa totoo lang po hindi ko na alam ang dapat isipin at gawin. Mahal na mahal ko po sya at alam kong mahal din niya ako. Pero nitong huli naming pag-uusap noong July 20 pa, ang sabi niya gagawa siya ng paraan para mapuntahan ako pero hanggang ngayon ay  hindi pa rin siya nagpaparamdam. Hindi ko po alam kung dapat ko pa ba siyang asahan at hintayin para sa amin ng baby ko o magmove-on na ako dahil nga sa matagal na si-yang hindi nagpaparamdam? Ano po ba dapat kong gawin? Salamat po and more power!

CAMILLE

Dear Camille,

Sa dinami-daming tao sa mundo ang nakakapagtataka ay bakit umiibig tayo sa taong may komplikadong sitwasyon, tulad ng sitwas-yon ninyo ng boyfriend mo. Mahirap din sa side niya dahil wala pa nga siyang trabaho, magtatapos palang siya ng pag-aaral at may da-lawa pa siyang maliliit na anak tapos may kasunod pa, at hindi pa natin alam kung ilan pa ba ang nabuntisan niya, mukhang matinik at kulang sa pagiging respon-sable ang boyfriend mo.

Pero mas mahirap sa’yo dahil hindi biro magdala ng bata sa sinapupunan sa loob ng siyam na buwan pagkatapos hindi ka man lang da-mayan ng taong mahal mo. Ang maipapayo ko lang sa iyo ay ito, bigyan mo siya ng huling pagkakataon hanggang manganak ka, pero kung sakaling hindi na siya nagpakita at nagparamdam hanggang mailuwal mo ang anak mo, malinaw na hindi niya kayang panagutan kayo ng baby mo.

Alam kong mahirap ma-ging isang single mom, pero huwag kang mag-alala dahil nandyan ang Panginoon natin ibato mo lang sa kanya lahat ng nararamdaman mo, magdasal ka mula sa puso mo at hindi niya kayo pababayaan ng baby mo. At kapag ok ka na at kakayanin mo na magtrabaho, mag-apply ka at magsumikap para sa baby mo. Pero kung sakaling may manligaw ulit sa’yo sana sa pagkaka-taong ito ay maging mas maingat at maging mapili sa taong iibigin mo, siguraduhin mo na wala siya sa kom-plikadong sitwasyon, kaya niyang tanggapin kayo ng baby mo at higit sa lahat ay may hanapbuhay.

I’ll pray for you. Good Luck!

Love,

Francine

Try Me! Sa mga problema ninyo sa Love, Pamil-ya, Sex at Relasyon nandito ako handang sagutin base sa aking sariling opinyon, paniniwala at naresearch. Nasa sa inyo pa rin kung ano ang susundin ninyo, ako ay option lamang. You can email me  [email protected]

TRY ME – Francine Prieto

About Francine Prieto

Check Also

DOST SETUP MSME marks significant invention in the Abaca Industry

DOST SETUP MSME marks significant invention in the Abaca Industry

TO UPGRADE the technological capabilities and improve the productivity and efficiency of MSMEs in the …

Andrea Brillantes Kyle Echarri Glenda dela Cruz

Andrea, Kyle, Brilliant Skin Essentials nagpasaya sa Bora

SHOWBIZ KONEKni Maricris Valdez Nicasio ISANG Summer event ang isinagawa ng Brilliant Skin Essentials sa Boracay Island …

Batas para sa Propesyonalisasyon ng mga Tagasaling Pilipino, isinusulong ng Kasálin

Batas para sa Propesyonalisasyon ng mga Tagasaling Pilipino, isinusulong ng Kasálin Network

Inilatag ang dalawang bersiyon ng mga panukalang batas para sa propesyonalisasyon ng mga tagasalin sa …

FTSFI 8th Kasalan sa SM 1

SM Group unites 16 couples in mass wedding

On May 15, 2024, 16 couples exchanged vows at the 8th Kasalan sa SM, an …

Krystall Herbal oil FGO Fely Guy Ong

Kabag sa alimuom ng ulan tanggal sa Krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Ako po …

Leave a Reply

Your email address will not be published. Required fields are marked *