This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
TATLUMPU’T APAT na saksak ang itinarak ng isang helper sa kanyang katrabaho dahil sa walang tigil na pambubuska at panlalait sa kanya
sa Sta. Ana, Maynila kahapon ng madaling-araw.
Ayon kay SPO4 Glenzor Vallejo, ng Manila Police District Homicide Section, agad binawian ng buhay ang biktimang si Carlito Macario, stay-in worker sa Lejusant Trading sa 2883 Sulter St., Sta Ana, Maynila.
Habang kusang sumuko sa pulisya ang suspek na si Rodolfo Fernandez, Jr., alyas Jan-Jan, 22, kasamahan ng biktima.
Dakong 12 a.m. nang biruin ng biktima ang natutulog na suspek kahapon. Pero bago ito, madalas umanong ginagawa ng biktima sa suspek na si Fernandez ang panggigising sa pamamagitan ng pagsubo ng buto at balahibo ng manok, pubic hair at tahasang pambabastos kapag gumagamit ng kasilyas.
Nang magising ang suspek, tumambad sa kanya ang nagtatawanan niyang mga kasamahan kaya galit siyang tumayo at nagtungo sa kusina.
Pagbalik, may dala nang kutsilyo ang suspek at walang habas na pinagsasaksak sa iba’t ibang bahagi ng katawan si Macario na naging dahilan ng kanyang kamatayan.
Sa panayam, inamin ni Fernandez, na matagal na siyang nagtitimpi sa pambababoy sa kanya ng biktimang si alyas Dagul.
Leonard Basilio may kasamang ulat nina Rhea Fe Pasumbal, Beatriz Pereña at Angelica Ballesteros
