This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
KULONG ang isang doktor makaraan ireklamo ng panggagahasa sa isang 22-anyos estudyanteng lalaki at pana-nakot na ilalabas ang nauna nilang sex video, ayon sa ulat ng Caloocan City Police kahapon.
Kinilala ang suspek na si Jose Norilito Fruto, 50, isang doktor, residente sa Maya St., Am-paro Road, Novaville Deparo ng nasabing lungsod, nakapiit sa detention cell ng Caloocan City Police.
Salaysay ng biktimang kinilalang si Kim Joel Tan, 22-anyos, Electrical Engineering student, noong Hulyo 4, inimbitahan siya ng suspek sa kanyang bahay dahil bibigyan siya ng regalo sa nakalipas niyang birthday.
Ngunit humantong aniya sa ‘anal sex’ ang pagkikita nilang ‘yun sa bahay ng suspek hanggang nitong nakalipas na Hulyo 12, dakong 6 p.m. nang makita siya ng suspek ay muli siyang niyaya at sinabing buburahin ang kanilang sex video.
Napilitan ang biktima na sumama sa loob ng bahay ng suspek dahil kung hindi ay ikakalat aniya ang kanilang sex video.
Sa puntong iyon ay muli siyang tinangkang gahasain ng suspek ngunit pumalag ang biktima at nagsumbong sa kanyang mga magulang na nagresulta sa pagkakadakip sa nasabing doktor.
