IO na nambastos ng asawa ng OFW na-promote pa!

Maraming nagtatanong kung ano raw ang ipinakain nitong si Immigration Officer (IO) Sydney Roy Dimaandal kay Immigration Comm. Fred ‘valerie’ Mison dahil matapos i-recall sa BI main office sa ginawang pambabastos sa mag-asawang OFW na ini-offload n’ya, ngayon naman ay na-promote pa na BI-TCEU Supervisor sa Iloilo International Airport.

What the fact!?

Hindi ba sariwa pa sa memorya ng mga taga-BI na si IO Dimasandal ‘este Dimaandal ay idinemanda sa Ombudsman  ng mag-asawang OFW matapos sabihan ang asawang babae na, “Baka magpo-pokpok ka lang?!”

Ka-bastos mo naman, bata!

That is conduct unbecoming of a government official.

Galit na galit daw ang asawang lalaki ng sinabihang OFW kaya bago pa siya makapatay ay nagdemanda na lang kaya ini-recall pansamantala si IO Dimaandal at itinago muna sa BI-OCOM.

Baka akala siguro nitong si Comm. Fred ‘good guy’  Mison, nalimutan na ang alingasngas at pambabastos ng bata niya kaya walang kaabog-abog ay pumirma ng Personnel Order na nagde-designate ngayon kay Dimasandal, na maging TCEU supervisor sa Iloilo International Airport.

Nambastos na, na-promote pa!

Manhid at palpak na ba ngayon sa Immigration!?

Ito ba ang ipinamamalaking slogan ni Comm. Mison na “good guys in, bad guys out” sa bureau!?

Pwe!!!

Samantala ‘yung iba na wala namang kasalanan ginawa bigla na lang ipinatapon sa mga Border Crossing, without overtime pay pa!

Mas magaling nga siguro kung ganoon na lang ang gawin, mambastos na lang ng pasahero at baka sakaling ma-promote pa!

Tanungin nga natin si DOJ Sec. Madame Leila De Lima kung okay sa kanya ang ganitong sistema?

Okay ho ba sa inyo Ma’am De Lima, ang ganitong style?

[divider]

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com