Sunday , February 25 2024

Asawa, anak 1 pa ini-hostage ng Chinese national (Hinataw ng dos por dos, binuhusan ng asido at tinutukan ng baril)

 

ARESTADO ang isang 39-anyos Chinese national makaraan hambalusin ng dos por dos, binuhusan ng muriatic acid, at tinutukan ng baril ang kanyang misis, kanilang anak at kaibigan nito, saka nagtangkang magpatiwakal sa Tondo, Maynila kamakalawa ng gabi.

Kinilala ang suspek na si Chang Hsu, ng Room 507 S Tower Condominium sa Abad Santos St., Tondo, Maynila.

Ayon sa ulat, nagtalo ang suspek at misis niyang si Nancy Hsu, 38, ng Room 506 sa nasabi ring condominium, dakong 7:30 p.m.

Nagkainitan ang dalawa sa nasabing pagtatalo hanggang hatawin ng dos por dos ng suspek ang ginang. Hindi pa nakontento at binuhusan ng muriatic acid pati ang kanilang anak na si Caamplied Rance Nicole Hsu, 18, at kaibigan na si Wimata Althea Han Uy. Pagkaraan ay tinutukan ng baril ang tatlo.

Ngunit nagulat sila nang biglang itutok ng suspek ang baril sa kanyang sarili.

Bago nakalabit ng suspek ang gatilyo ng baril ay dumating ang nagrespondeng mga pulis mula sa Moriones-Tondo Police Station, na natawagan na pala ni Nancy nang makatiyempo.

Nakompiska mula sa suspek ang caliber .45 pistol, ang isang bote ng asido at ang dos por dos.

Kasalukuyang nakakulong ang suspek sa himpilan ng pulisya, at nahaharap sa kasong serious illegal detention at paglabag sa Violence Against Women and their Children.

ni RHEA FE G. PASUMBAL

About Rhea Fe G. Pasumbal

Check Also

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Leave a Reply

Your email address will not be published. Required fields are marked *