Starstruck, ‘di pa rin maumpisahan, wala pa rin kasing nag-a-audition

 

UNCUT – Alex Brosas . 

HAY naku, mukhang hindi na makaaalagwa ang Starstruck ng Siete. Malakas ang bulong-bulungan sa showbiz na naurong ang airing date nito. Ayaw namang i-reveal ng kampo ni Angel Javier kung bakit kasi nga nakahihiya ang rason.

Ang chika kasing nasagap naming mula sa isang reliable source, walang masyadong nag-audition para sa StarStruck, kung mayroon man ay puro chaka at hindi artistahin.

In desperation nga raw, pati GMA Artist Center talents na hindi masyadong kilala ay pinag-audition na rin nila at iprinisinta sa mga bossing ng Siete pero waley pa rin, ang dami pa ring hindi nakapasa.

Ngayon, kung walang masyadong nag-audition, ano ang ipakikita mo sa TV?

Nagtawag na nga raw sila sa mga talent manager para mag-field ng kanilang talents dahil halos walang nakapasa sa panlasa ng TV executives. Ganyan kalala ang sitwasyon sa reality show na nagpasikat kina Jennylyn Mercado ang company.

Nagtatawanan nga raw ang mga talent manager dahil kulit ng kulit ang staff ng Siete para magpadala sila ng mga alaga nila sa audition.

Ang chika, uunahin munang ipalabas ng Siete ang reality search nila sa mga boyband.

Hello! Hindi nga nila napasikat ang mga winner ng reality search nila for music tapos mag-a-attempt pa silang magpasikat ng boyband. Ano sila, hilo?