HATAW! D'yaryo ng Bayan hatawtabloid.com
ni Reggee Bonoan
HINDI namin alam kung nagbibiro o seryoso ang kilalang movie producer sa kuwento tungkol sa kilalang aktor at aktres habang isinu-shoot nila ang pelikulang pagsasamahan nila.
Dinedma namin ang tsikang ito kasi parang wala naman sa record niyong aktres na pumatol sa aktor lalo’t may boyfriend siya.
Hanggang sa natapos ang tsikahan namin ng movie producer ay at saka namin naalala na baka nga posible kasi nahiwalay na ang aktres at ang boyfriend nitong aktor din.
Pero hindi pa rin kami naniniwala na ang kasamang aktor ni aktres sa pelikula ang dahilan kaya sila naghiwalay ng boyfriend niyang aktor.
“Baka nagkatikiman o nagselos si (boyfriend na aktor) roon kay (kasamang aktor sa pelikula), kilala rin naman siguro niya ‘yun (aktor) na mabilis sa babae,” sabi ng isang talent manager.
Sabi naman namin na imposible pa rin kasi iba ang pagkakakilala namin sa aktres.
Pero ang mabilis na sagot sa amin, “sure kang matino siya (aktres)?”
Hala, napaisip na naman kami, sabagay, ilang beses ng nagkamali si aktres sa buhay niya, posible bang maulit ulit iyon, eh, medyo bata pa siya noon?
