HATAW! D'yaryo ng Bayan hatawtabloid.com
ni James Ty III
BAGONG-bihis ang career ngayon ng sexy star na si Michelle Madrigal dahil pumirma na siya ng kontrata sa Viva Films kasama ang kapatid na si Ehra.
Kinompirma ito ni Michelle nang magkita kami sa laro ng PBA noong isang linggo sa Cuneta Astrodome at sinabing kumalas na silang dalawa ni Ehra kay Annabelle Rama na matagal nilang manager.
Noong panahong si Annabelle ang manager ng magkapatid ay in demand sina Michelle at Ehra sa mga TV show ngGMA 7 at ilang beses din silang naging cover girl ng sikat na magasing FHM.
“Although we’re both under Viva, we can still appear on other channels,” wika ni Michelle. ”Ako nga, I signed up with ABS-CBN since maraming mga Viva star ay under ABS. Ehra naman is with TV5 at naging guest pa nga siya sa ‘Mac n Chiz’ with Derek Ramsay and Empoy Marquez.”
Mula noong pumirma si Michelle sa ABS ay naging guest siya sa Maaalala Mo Kaya at inaasahang gagawa rin siya ng teleserye sa Dos.
Nagsimula si Michelle sa ABS pagkatapos na maging finalist siya saStar Circle Quest ka-batch ni Sandara Park. Lumipat siya sa GMA noong 2007 na sumikat sa mga kontrabida role sa mga teleseryeng pinagbidahan ni Richard Gutierrez.
Bukod sa kanyang showbiz career ay stable pa rin ang relasyon ni Michelle sa basketbolistang si Chris Ross ng San Miguel Beermen.
