HATAW! D'yaryo ng Bayan hatawtabloid.com
SASABAK na naman ang Team Mojack sa isang exhibition basketball game na gaganapin sa Ilagan City, Isabela sa May 26.
Ang singer/comedian na si Mojack Perez ang tumatayong manager ng star-studded na grupo na kinabibilangan nina Jestoni Alarcon, Onyok Velasco, Joross Gamboa, Marco Alcaraz, Joseph Bitangcol, Matt Evans, Carlos Morales, Paolo Paraiso at ng mga dating PBA stars na sina Nelson Asaytono at Marlou Aquino.
Ito ay handog ni Ilagan mayor Jay Diaz at makakasagupa ng celebrity team ni Mojack ang mga government employees doon. Nauna rito, nagkaroon din ng exhibition game ang Team Mojack sa Tarlac City last month.
Ano ang dapat asahan ng manonood ng game na ito?
“Well, for fun lang po ito Kuya. Para ma-entertain ang mga tao roon. Siyempre, mahalaga na mapasaya ang mga taga-roon at kapag nakita nila ang kanilang mga fave actors and former PBA players, sure ako na magiging masaya sila.
“Kaya po nagpapasalanat ako kay Mayor Jay Diaz sa exhibition game na ito. Thank you rin po sa Novel Dental Clinic along Timog Avenue at kay Dr. Noel Velasco,” nakangiting saad ni Mojack.
ni Nonie V. Nicasio
