HATAW! D'yaryo ng Bayan hatawtabloid.com
INIHAYAG noong Huwebes ng Philippine Entertainment Portal (PEP) ang mga nagwagi sa kanilang PEPster’ Choice matapos ang tatlong buwang deliberasyon ng online voting na may kabuuang 14,090,744 votes mula sa ardent supporters mula Pebrero 9 hanggang Mayo 9, 2015.
Pinangunahan ng mag-asawang Marian Rivera at Dingdong Dantes ang mga nagwagi ngayong taon bilang sila ang nagwagi bilang Newsmakers of the Year. Si Kim Chiu naman ang most voted star kaya nakuha niya ang Movie Star of the Year at FAB Female of the Year na may kabuuang botong 727,507 at 557,607 votes respectively.
Nagwagi rin si Kim bilang Celebrity Pair of the Year kasama ang ka-loveteam na si Xian Lim na nagwagi rin bilang FAB Star of the Year (Male).
Ani Xian, ikalawang beses na rin siyang nagwagi sa PEPsters’ Choice kaya naman ganoon na lamang ang kanyang kasiyahan dahil ibig sabihin niyon ay marami pa rin ang sumusuporta sa kanya sa kabila ng may mga negatibong artikulong nasusulat.
Si Lyca Gairanod naman ang Child Star of the Year na pinuri ang pagganap niya sa kanyang lifestory sa MMK.
At siyempre, hindi nagpatalo ang fans nina Daniel Padilla at Kathryn Bernardo dahil ang actor ang Movie Star of the Year (Male) samantalang Teen Star of the Year (Female) naman si Kathryn.
Nagwagi rin si Darren Espanto bilang Teen Star of the Year (Male).
Ang iba pang component ng PEP List: the PEP Editor’s Choice ay malalaman naman sa June 18, Huwebes, sa gabi ng parangal na gaganapin sa Grand Ballroom ng Solaire Resort and Casino.
ni Maricris Valdez Nicasio
