ni Alex Brosas
GRABE ang pambabastos kay Nora Aunor. Kaya pala hindi nakaalis ng bansa si Ate Guy para dumalo sa Cannes Film Festival para saksihan ang world premiere ng movie niyang Taklub ay dahil ‘di raw siya nabigyan ng business class ticket.
Aba, grabe namang pambabastos ito sa ating one and only Superstar. Hindi na sila nahiya, binigyan na nga sila ni Ate Guy ng karangalang makatrabaho sila pero binastos pa nila ang premyadong aktres.
Si Ate Guy lang ang only actress na kilalang-kilala sa film festivals abroad. Si Jackie Chan nga ay grabeng respeto ang ibinigay sa kanya dahil siya ang unang tumayo para bigyan siya ng standing ovation sa isang awards night abroad.
Sino kaya ang bumastos kay Ate Guy? Malamang ay isa lamang siyang SUB-STANDARD ang utak? You don’t do that to a Philippine treasure, ‘no!
