Sam Milby, gusto nang magka-anak; posible ring ma-inluv sa single mom

AMINADO si Sam Milby na sa ilang buwan niyang pagkawala sa ASAP ay nagulat siya dahil ang marami ang bago at ang turnover ay masyadong mabilis.

“Nagugulat ako kasi sa turnover rate, ang bilis, ang daming bago.

“Even when I was gone for a while rito sa ‘ASAP’, ang daming bago na bata.

“It’s a lot different, but I’m thankful.

“To think about it, this is my 10th year, to think I still have work, sobrang blessed pa rin ako. They still offer projects pa rin.

“I’m not worried ‘coz I really believe in the last 10 years ABS has taken care of me, and I believe will still take care of me.

“Sometimes we have to accept that this is a job that really won’t be forever.

“I still wanna just keep on going, do what I can and enjoy.

“Let’s not think about the negativity, puro positive lang, ‘am so blessed so wala naman na akong masasabi pa,” mahabang paliwanag ng binata.

Samantala, sa Mayo 23 ay 31 years old na ang aktor at nananatiling walang nobya kaya natanong kung may plano siyang mag-asawa, ”opo naman, in God’s Time. Ako gusto ko in four years, sana may family na ako, so in God’s time, sasabihin ko within 4 years,” tumawang sabi ni Sam.

At hindi na raw naghahanap pa si Sam kasi naniniwala siya na, ”if it happens, it happens. If not, I’m dating naman.”

Natanong namin kung posible ba siyang magkagusto sa single mom, ”yes, kung magkakasundo kami, okay kami, why not? I mean, I love to have kids na nga,” sabi pa ng aktor.

Naku, napakasuwerte ng makakatuluyan ni Sam, maniwala kayo dahil ideal husband and dad siya base sa nakikita kong pag-aalaga niya sa pamangkin at higit sa lahat, kung paano niya itrato ang ex-girflriends niya.

Siguro masyadong mabait ang aktor bagay na hindi rin gusto ng ibang babaeng mahilig sa adventure pagdating sa ugali ng dyowa.

ni Reggee Bonoan